ព្រោះតែភាពឆ្កួតឡប់មិនស្គាល់បេះដូងរបស់ខ្លួនឯងនៅ ទើបបណ្តោយឱ្យគេ ( កាង យ៉ុងជុន) បាត់បង់នាង (លី ម៉ុងយ៉ាវ)អស់ជាច្រើនឆ្នាំ គេរស់រងទុក្ខក្នុងវិប្បដិសារីសឹងតែក្លាយជាមនុស្សឆ្កួតចិត្ត។
វាជារឿងចៃដន្យ ឬជាការរៀបចំរបស់ទេវតា ធ្វើគេជួបនាងគ្នាម្តងទៀត។ ការជួបគ្នាលើកនេះ គេប្រាប់ខ្លួនឯងថា មិនអាចលែងដៃ មិនអាចឱ្យនាងចាកចេញម្តងទៀតឡើយ។ គេនឹងក្រសោបនាងជាប់ក្នុងទ្រូង មិនឱ្យនាងទៅណាទៀតដាច់ខាត...
ប៉ុន្តែអ្វីៗមិនដូចជាការគិត ព្រោះនាងស្អប់អតីត ហើយក៏ស្អប់គេដល់ឆ្អឹង ឆ្អែតឆ្អន់នឹងការឈឺចាប់កន្លង នាងមិនព្រមត្រឡប់មកក្បែរខ្លួនឯងម្តងទៀត ហើយតាំងចិត្តរស់ក្នុងនាមជាមនុស្សថ្មីម្នាក់ទៀត ដែលគ្មានគេក្នុងចំណែកនៃការចងចាំ។
កាង យ៉ុងជុន ក៏មិនព្រមចុះចាញ់ត្រឹមហ្នឹង គេច្បាស់ជាប្រើគ្រប់វិធីដើម្បីយកភរិយារបស់គេត្រឡប់មកវិញ!